તાલાલામાં ભૂકંપના આંચકાનો સિલસિલો યથાવત્, વધુ એક ૨.૮ની તીવ્રતાનો ભૂકંપ 📍 તાલાલા, ગીર સોમનાથ

તાલાલા પંથકમાં ફરી એકવાર ભૂકંપનો આંચકો નોંધાયો હોવાના અહેવાલ છે. આજે બપોરે ૧૨:૩૫ વાગ્યે ૨.૮ની તીવ્રતાનો ભૂકંપ આવતાં વિસ્તારમાં ધરતી ધ્રૂજી ઊઠી હતી.
મળતી માહિતી મુજબ, ભૂકંપનું કેન્દ્રબિંદુ સાસણગીર વિસ્તારમાં ભાલછેલ ગામ નજીક જમીનમાં ૬.૧ કિલોમીટરની ઊંડાઈએ હોવાનું જણાવાયું છે. આ સ્થળ તાલાલાથી આશરે ૧૪ કિલોમીટર ઉત્તર-ઉત્તર-પૂર્વ દિશામાં આવેલું છે.
નોંધનીય છે કે આ વિસ્તારમાં અગાઉ પણ વારંવાર ભૂકંપના નાના-મોટા આંચકા નોંધાયા છે. અગાઉ ૧ ઓક્ટોબર, ૨૦૨૬ના રોજ આ જ વિસ્તારમાં ૩.૨ની તીવ્રતાનો ભૂકંપ નોંધાયો હોવાનો ઉલ્લેખ કરવામાં આવ્યો છે.