અંબાજીમાં દશેરા ઉત્સવ દરમિયાન રાવણ દહન પર પથ્થરમારો, અનેક ઘાયલ

ગુજરાતના બનાસકાંઠા જિલ્લામાં આવેલ અંબાજી ગામમાં વિજયાશદમી (દશેરા) ઉજવણી માટે રાવણ દહન કાર્યક્રમનું આયોજન કરવામાં આવ્યું હતું. કાર્યક્રમ દરમ્યાન અચાનક અસામાજિક તત્વો દ્વારા પથ્થરમારો કરવામાં આવ્યો, જેના કારણે સ્થળ પર અફરાતફરી મચી ગઈ.

આ હુમલામાં નાનાં બાળકો, ગર્ભવતી સ્ત્રી અને પોલીસ કર્મચારી સહીત અનેક વ્યક્તિઓને ઇજા થઈ. ઘાયલ થયેલાઓને તાત્કાલિક નજીકની હોસ્પિટલમાં દાખલ કરવામાં આવ્યા.

ઘટનાનો વિડિયો સોશિયલ મીડિયા પર ઝડપથી ફેલાયો અને વાયરલ થયો છે. પોલીસ દ્વારા ઘટનાની તપાસ શરૂ કરવામાં આવી છે અને જવાબદાર વ્યક્તિઓને શોધવા માટે કાર્યવાહી કરવામાં આવશે.

પોલીસ અધિકારીઓએ જાહેરને સલામતી માટે સાવચેત રહેવાની અને કોઈ પણ અયોગ્ય વર્તનને તાત્કાલિક જાણ કરવાની વિનંતી કરી.