સુરતમાં ઉધના કાશીનગર સોસાયટીમાં માતાજી જગદંબાની વિદાય પર ભાવુકતા

નવલા નોરતા પૂર્ણ થતાં જ સમગ્ર સુરત શહેરમાં મા જગદંબાની વિદાય વેળાએ અનોખી ભાવુકતા જોવા મળી. ખાસ કરીને સુરતના ઉધના વિસ્તારમાં આવેલી કાશીનગર સોસાયટીમાં આ ભાવનાઓનું પ્રતિક દર્શાવાયું.

સોસાયટીના રહેવાસીઓએ નવ દિવસ સુધી માતાજીની ભક્તિ અને આરાધના કર્યા બાદ, વિસર્જન પૂર્વે માતાજી સમક્ષ બંને કાન પકડી, ઊઠબેસ કરીને કોઈ ભૂલચૂક થઈ હોય તો માફી માંગી. આ ક્રિયા દ્વારા તેઓ પોતાની ભક્તિ અને વિનમ્રતા વ્યક્ત કરી.

માતાજીની વિદાય વેળાએ નાના બાળકોથી માંડીને મોટાંઓની આંખોમાંથી અશ્રુધારા વહેતા જોવા મળ્યા. આ ભાવનાત્મક દૃશ્યોએ સમગ્ર વાતાવરણને હૃદયસ્પર્શી અને ઊંડો બનાવ્યો.