જાફરાબાદના લુણસાપુર શાળાના શિક્ષકને વિદ્યાર્થીની સાથે દુષ્કર્મ આચર્યા બાદ કાયમી ઘરભેગો

જાફરાબાદ તાલુકાના લુણસાપુર ગામની સરકારી પ્રાથમિક શાળાના શિક્ષક રામશંકર બટુક પંડ્યાએ શાળાની વિદ્યાર્થીનીઓ સાથે શારીરિક અડપલા કરી એક વિદ્યાર્થીની સાથે દુષ્કર્મ આચર્યાની ફરિયાદ બાદ સમગ્ર રાજ્યમાં શિક્ષણ જગત માટે શર્મસાર ઘટના બની ગઈ છે. આ નરાધમતા બાદ લોકોમાં આ શિક્ષક વિરુદ્ધ આગ્રહો ઉઠી રહ્યા હતા.

વિદ્યાર્થીનીના વાલીની ફરિયાદના આધારે પોલીસે આરોપી શિક્ષકની ધરપકડ કરી હતી અને પોક્સો કાયદા હેઠળ ગુનો નોંધવામાં આવ્યો છે. જાફરાબાદના પીઆઈ આર.જી. ચૌહાણે જણાવ્યું હતું કે, આરોપી શિક્ષકના એક દિવસના રિમાન્ડ પૂરા થતા તેમને અમરેલી જિલ્લા જેલ ખાતે મોકલવામાં આવ્યા છે.

આ ગંભીર ઘટનાની શિક્ષણ વિભાગે નોંધ લીધી છે. સંજોગ ન્યુઝ સાથેની વાતચીતમાં જિલ્લા પ્રાથમિક શિક્ષણાધિકારી કે.જી. મિયાણીએ જણાવ્યું હતું કે, આરોપી બટુક રામશંકર પંડ્યા કાયમી શિક્ષક ન હોવાને કારણે તેમને વિદ્યા સહાયક તરીકે ફરજ બજાવતા હોવાથી તેમને કાયમી ઘરભેગા કરવાનો આદેશ કરવામાં આવ્યો છે.