મોડાસાની શી ટીમે નવરાત્રી પર બહેરા-મૂંગા બાળકોની શાળામાં રાસ-ગરબા અને સુરક્ષા માર્ગદર્શન આપ્યું..

અરવલ્લીના-:
મોડાસાની મહિલા પોલીસ સ્ટેશનની શી ટીમે નવરાત્રીના પાવન પર્વની ઉજવણીમાં બહેરા-મૂંગા બાળકોની શાળા અને આઈ.ટી.આઈ.ની મુલાકાત લીધી.ટીમે બાળકો સાથે રાસ-ગરબા રમ્યો અને તિથિ ભોજન પીરસ્યું.

સાથે જ બાળકો અને સંસ્થાના સ્ટાફને મહિલા શી ટીમની કામગીરી અને મહિલા સુરક્ષા અંગે જરૂરી માર્ગદર્શન આપવામાં આવ્યું.112 ઇમરજન્સી હેલ્પલાઇન અને મહિલા શી ટીમનો સંપર્ક કરવા માટેની માહિતી આપવામાં આવી અને સામાજિક જાગૃતિ માટે પેમ્ફલેટનું વિતરણ પણ કરવામાં આવ્યું.

સેવા, સુરક્ષા અને સંવેદનશીલતાના સમન્વય સાથે નવરાત્રી પર્વની ઉજવણી કરી શી ટીમની સરાહનીય કામગીરીએ મહિલા સુરક્ષા અને સામાજિક જાગૃતિનો સંદેશ ફેલાવ્યો.