ચોટીલા મંદિરમાં આઠમના નોરતે ભક્તોની ભારે ભીડ, ચામુંડા માતાની આરતીના દર્શન

નવરાત્રિ પર્વના આઠમા નોરતા નિમિત્તે આજે ચોટીલા ખાતે આવેલા સુપ્રસિદ્ધ ચામુંડા માતાજીના મંદિરમાં ભક્તોની ભારે ભીડ જોવા મળી હતી. અષ્ટમીના પવિત્ર દિવસે માતાજીના દર્શન કરવા માટે રાજ્યભરમાંથી હજારોની સંખ્યામાં શ્રદ્ધાળુઓ ઉમટી પડ્યા હતા.

આજે સવારે મંદિર પરિસરમાં ભક્તોની લાંબી કતારો જોવા મળી હતી. ભક્તોએ માતાજીની મંગળા આરતી અને પૂજા-અર્ચનામાં ભાગ લીધો હતો. અનેક ભક્તોએ માતાજીના દર્શન કરીને ધન્યતા અનુભવી હતી.

આ પ્રસંગે, 24 ન્યૂઝ ચેનલ દ્વારા ચોટીલા મંદિરથી માતા ચામુંડાની આરતીનું સીધું પ્રસારણ કરવામાં આવ્યું હતું, જેથી ઘરે બેઠા ભક્તો પણ માતાજીના દર્શનનો લાભ લઈ શકે.