સુરતમાં સગાઈના દોઢ મહિનામાં યુવતીનો આપઘાત, મંગેતર પર ત્રાસનો આરોપ

સુરતના ડીંડોલી વિસ્તારમાં રહેતી 30 વર્ષીય પલ્લવી મોરે નામની યુવતીએ ગળેફાંસો ખાઈને પોતાનો જીવ ટૂંકાવી લીધો છે. આ ઘટના સગાઈ થયાના માત્ર દોઢ મહિના બાદ બની છે, જેણે અનેક પ્રશ્નો ઉભા કર્યા છે.

મૃતક યુવતીની માતાએ આક્ષેપ કર્યો છે કે તેમની દીકરી પલ્લવી પર તેના મંગેતર સિદ્ધેશ દ્વારા સતત ત્રાસ ગુજારવામાં આવતો હતો. માતાના જણાવ્યા અનુસાર, આ ત્રાસ સહન ન થતાં પલ્લવીએ આત્મહત્યાનો માર્ગ અપનાવ્યો. તેમણે સિદ્ધેશને કડકમાં કડક સજા કરવાની માંગ કરી છે.

પોલીસે મૃતક યુવતીના મૃતદેહ પાસેથી એક સુસાઈડ નોટ પણ કબજે કરી છે. પોલીસે આ સુસાઈડ નોટને કબજે લીધી છે અને તેના આધારે વધુ તપાસ હાથ ધરી છે. આ ઘટના અંગે પોલીસે ગુનો નોંધી વધુ તપાસ શરૂ કરી છે.