રાપરમાં નર્મદા કેનાલમાંથી મળેલ નવજાત શિશુની લાશ: ૩ આરોપી ઝડપાયા

પૂર્વ કચ્છના રાપર તાલુકાના ખેંગારપર ગામની સીમમાં આવેલી નર્મદા કેનાલમાંથી તાજા જન્મેલ નવજાત શિશુની લાશ મળી આવવાના ગંભીર પ્રકરણમાં રાપર પોલીસે ગુનાનો ભેદ ઉકેલી દીધો છે. આ ઘટનાને પગલે રાપર પોલીસ સ્ટેશનમાં ગુનો દાખલ કરવામાં આવ્યો હતો.

પોલીસની પ્રાથમિક તપાસ અને કાર્યવાહી બાદ, આ ગુનામાં સંડોવાયેલા ત્રણ આરોપીઓને ઝડપી પાડવામાં આવ્યા છે. ઝડપાયેલા આરોપીઓમાં રામજીભાઈ રમણભાઈ કોલી, મનજીભાઈ રમણભાઈ કોલી અને કાંતાબેન હોથીભાઈ રાઠોડનો સમાવેશ થાય છે. આ ત્રણેય આરોપીઓ નારણપર ગામ, તા. રાપરના રહેવાસી છે.

રાપર પોલીસ સ્ટેશનના પી.આઈ. શ્રી આર.એલ. ખટાણા અને તેમના સ્ટાફે આ ગુનાનો ભેદ ઉકેલવા માટે ટેકનિકલ એનાલિસિસ અને હ્યુમન સોર્સીસનો અસરકારક ઉપયોગ કર્યો હતો. આ સઘન તપાસના આધારે પોલીસે આરોપીઓને સફળતાપૂર્વક ઝડપી પાડ્યા છે અને તેમની સામે કાયદેસરની કાર્યવાહી હાથ ધરી છે.