મહીસાગર પોલીસ હેડક્વાર્ટર ખાતે પોલીસ અધિક્ષક શફીન હસન સાથે નવરાત્રી મહોત્સવની ઉજવણી..

મહીસાગર જિલ્લાના પોલીસ અધિક્ષક શફીન હસન દ્વારા પોલીસ હેડક્વાર્ટર ખાતે આયોજિત નવરાત્રી મહોત્સવમાં ઉત્સાહભેર ભાગ લેવામાં આવ્યો હતો. આ પ્રસંગે તેમણે પોલીસ પરિવાર સાથે મળીને આરતીમાં સહભાગી થઈ અને પરંપરાગત ગરબાની રમઝટ માણી હતી.આ નવરાત્રી પર્વની ઉજવણી પોલીસ પરિવાર માટે આનંદદાયક બની રહી હતી..

પોલીસ અધિક્ષક શફીન હસનના આ કાર્યક્રમમાં ભાગ લેવાથી પોલીસકર્મીઓ અને તેમના પરિવારોમાં અનેરો ઉત્સાહ જોવા મળ્યો હતો. આયોજન દ્વારા સાંસ્કૃતિક વારસાની જાળવણી અને પોલીસ વિભાગમાં સૌહાર્દપૂર્ણ વાતાવરણ ઊભું કરવાનો પ્રયાસ કરવામાં આવ્યો હતો.આ મહોત્સવમાં પોલીસ અધિક્ષક શફીન હસને સૌને નવરાત્રીની શુભકામનાઓ પાઠવી હતી અને આવા સામુહિક કાર્યક્રમોના મહત્વ પર ભાર મૂક્યો હતો.આ પ્રકારના આયોજનો પોલીસ અને તેમના પરિવારોને એકબીજા સાથે જોડાવાની અને તહેવારોની ખુશીઓ વહેંચવાની તક પૂરી પાડે છે.