હિંમતનગર: માના માંડવામાં કાજલ મહેરિયાના ગરબાએ જમાવ્યો રંગ, મેદાનમાં પગ મુકવાની પણ જગ્યા ન રહી

હિંમતનગર નજીક આવેલા માના ગામ ખાતે છઠ્ઠા નોરતા નિમિત્તે યોજાયેલા ભવ્ય ગરબા કાર્યક્રમમાં સુપ્રસિદ્ધ લોક ગાયિકા કાજલ મહેરિયાએ પોતાના સુમધુર અવાજથી સૌને મંત્રમુગ્ધ કર્યા હતા. તેમના ગીતો પર હજારોની સંખ્યામાં ઉમટી પડેલા શ્રોતાઓ અને ખેલૈયાઓ ઝૂમી ઉઠ્યા હતા.

આ કાર્યક્રમમાં એટલી મોટી સંખ્યામાં લોકો ઉમટી પડ્યા હતા કે ગરબા ગ્રાઉન્ડમાં પગ મુકવાની પણ જગ્યા નહોતી. લોકોની ભારે ભીડ વચ્ચે પણ સુરક્ષા વ્યવસ્થા જાળવવામાં આવી હતી. કાજલ મહેરિયાના ગીતોની રમઝટ વચ્ચે સમગ્ર વાતાવરણ ભક્તિમય અને આનંદમય બની ગયું હતું.

માના ગામના આયોજકો દ્વારા આ કાર્યક્રમનું ખૂબ જ સુંદર આયોજન કરવામાં આવ્યું હતું. સ્થાનિક લોકો અને આસપાસના વિસ્તારોમાંથી આવેલા લોકોએ આ ગરબા મહોત્સવનો ભરપૂર આનંદ માણ્યો હતો. લોક ગાયિકા કાજલ મહેરિયાની ઉપસ્થિતિએ કાર્યક્રમની શોભામાં અનેકગણી વૃદ્ધિ કરી હતી.