શિહોરીની એમ. વાલણી હાઈસ્કૂલમાં પરંપરાગત ગરબાનું આયોજન, શિક્ષકો-વિદ્યાર્થીઓ જોડાયા

માતાજીના નવલા નોરતા ચાલી રહ્યા છે ત્યારે શિહોરીની શેઠ શ્રી એમ. વાલણી હાઈસ્કૂલમાં પરંપરાગત રીતે ગરબાનું આયોજન કરવામાં આવ્યું હતું. નવરાત્રીના આ પાવન પર્વ નિમિત્તે આયોજિત ગરબામાં વિદ્યાર્થીઓએ અવનવા રંગીન પોશાકમાં ભાગ લીધો હતો. શાળાના આ આયોજનથી વિદ્યાર્થીઓ ખુશ થઈને ઉમંગ અને ઉલ્લાસ સાથે માતાજીના ગરબા રમી ધન્યતા અનુભવી હતી, જેનાથી વાતાવરણ ભક્તિમય બન્યું હતું.

કાંકરેજ તાલુકાના શિહોરી સ્થિત એમ. વી વાલણી હાઈસ્કૂલમાં આ ગરબાના કાર્યક્રમમાં હાઈસ્કૂલના બાળકો સાથે શિક્ષકો પણ જોડાયા હતા અને માતાજીના ગરબા ગાયા હતા. માતાજીની આરતી ઉતારીને ગરબાનો પ્રારંભ કરવામાં આવ્યો હતો અને સૌએ ખૂબ ઉલ્લાસ સાથે ગરબા રમ્યા હતા.

આ પ્રસંગે ભારતીય જનતા પાર્ટીના પૂર્વ પ્રમુખ ભારતસિંહ ભેટસરીયા બાપુ વિશેષ ઉપસ્થિત રહ્યા હતા. તેમણે વિદ્યાર્થીઓના ઉત્સાહમાં વધારો કર્યો હતો અને કાર્યક્રમની શોભા વધારી હતી.