புதுவையில் பிரபல ரவுடி கொலை வழக்கில் தொடர்புடைய வாலிபர் வெட்டி கொலை

புதுச்சேரி மாநிலம் அபிஷேகப்பாக்கம் பகுதியில், பிரபல ரவுடி பாம் ரவி கொலை வழக்கில் தொடர்புடையதாகக் கூறப்படும் பிரவின் என்ற வாலிபர் வெட்டி கொலை செய்யப்பட்டுள்ளார். இந்த கொலை சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.

கொலை செய்யப்பட்ட பிரவின், கரிக்கன் நகரைச் சேர்ந்தவர் என அடையாளம் காணப்பட்டுள்ளது.

தகவலறிந்து சம்பவ இடத்திற்கு விரைந்த காவல்துறையினர், பிரவினின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், இது தொடர்பாக வழக்குப்பதிவு செய்து, கொலைக்கான காரணம் மற்றும் கொலையாளிகளை பிடிக்க தீவிர விசாரணை மேற்கொண்டு வருகின்றனர். இந்த கொலை சம்பவம் அப்பகுதியில் பெரும் அச்சத்தை ஏற்படுத்தியுள்ளது.