ધંધુકા હાઇવે પર ડમ્પર અને ગાડી વચ્ચે ભયાનક ટક્કર, ડ્રાઇવર જીવતો ભડથો

ભાવનગર-અમદાવાદ હાઇવે પર ધંધુકા નજીક આજે એક ગંભીર અકસ્માત સર્જાયો હતો. એક પુરઝડપે આવી રહેલા ડમ્પર અને એક ગાડી વચ્ચે જોરદાર ટક્કર થઈ હતી.

આ ટક્કર એટલી ભયાનક હતી કે ગાડીમાં તાત્કાલિક આગ લાગી ગઈ હતી. આગ એટલી વિકરાળ હતી કે ગાડીનો ડ્રાઇવર બહાર નીકળી શક્યો નહોતો અને તે ગાડીમાં જ જીવતો ભડથો થઈ ગયો હતો.

ઘટનાની જાણ થતાં સ્થાનિક પોલીસ અને ફાયર બ્રિગેડની ટીમ ઘટનાસ્થળે પહોંચી હતી. આગ પર કાબુ મેળવવાના પ્રયાસો હાથ ધરાયા હતા. પોલીસે મૃતદેહને પોસ્ટમોર્ટમ માટે ખસેડી આગળની કાર્યવાહી હાથ ધરી છે.