થાનગઢમાં બહેનો માટે ખાસ નવરાત્રી મહોત્સવ: ચોથા દિવસે જાણીતા કલાકારોએ ગરબાની રમઝટ બોલાવી

થાનગઢ શહેરમાં બહેનો માટે ખાસ નવરાત્રી મહોત્સવનું આયોજન કરવામાં આવ્યું છે. શહેર ભાજપ દ્વારા પોલીસ ગ્રાઉન્ડ ખાતે યોજાયેલા આ મહોત્સવમાં મોટી સંખ્યામાં મહિલાઓએ ઉત્સાહભેર ભાગ લીધો હતો.

મહોત્સવના ચોથા દિવસે જાણીતા કલાકારો મોતીભાઈ ભરવાડ, તેજલ બારોટ અને જિગ્નેશ ગઢવીએ પોતાની ગાયકી અને સંગીતના તાલે ખેલૈયાઓને ગરબા રમવા પ્રેર્યા હતા. કલાકારોના સુમધુર સૂર અને તાલ પર મહિલા ખેલૈયાઓએ રાસ-ગરબાની રમઝટ બોલાવી હતી.

આ સમગ્ર કાર્યક્રમ દરમિયાન કાયદો અને વ્યવસ્થા જાળવવા માટે પોલીસ ઇન્સ્પેક્ટર વી. યુ. ગડરીયા અને તેમનો સ્ટાફ સતર્ક રહ્યો હતો. આયોજકોના જણાવ્યા અનુસાર, કાર્યક્રમ શાંતિપૂર્ણ અને સફળતાપૂર્વક સંપન્ન થયો હતો.