પી.પી.સવાણી યુનિવર્સિટીના બસ ચાલક કોસંબા નજીક કેનાલમાં ડૂબી ગયા, મૃતદેહ મળ્યો

કોસંબા નજીક ધામરોડ ગામની કેનાલમાં પી.પી.સવાણી યુનિવર્સિટીના બસ ચાલક રજનીશ ચોડવડિયા અકસ્માતે પડી જતાં તણાઈ ગયા હતા. આ ઘટના બાદ સ્થાનિક લોકો અને તંત્ર દ્વારા તાત્કાલિક શોધખોળ શરૂ કરવામાં આવી હતી.

ઘટના સ્થળે પહોંચીને બચાવ ટીમોએ કેનાલમાં ઊંડાણપૂર્વક તપાસ હાથ ધરી હતી. લાંબા સમય સુધી ચાલેલા સર્ચ ઓપરેશન બાદ, આખરે તેમનો મૃતદેહ પંડવાઈ સુગર પાસે કેનાલના પાણીમાંથી મળી આવ્યો હતો. આ દુર્ઘટનાના સમાચારથી સમગ્ર વિસ્તારમાં શોકનો માહોલ છવાયો છે.