રાણપુરના મામલતદાર શ્રી કે.બી. ગોહિલનું જાયન્ટ્સ ગ્રુપ દ્વારા ગૌરવપૂર્ણ સન્માન

બોટાદ જિલ્લાના રાણપુર તાલુકાના મામલતદાર અને એક્ઝિક્યુટિવ મેજિસ્ટ્રેટ શ્રી કે. બી. ગોહિલનું જાયન્ટ્સ ગ્રુપ ઓફ રાણપુર દ્વારા પ્રશસ્તિ પત્ર અર્પણ કરી ગૌરવપૂર્ણ સન્માન કરવામાં આવ્યું.

જાયન્ટ્સ ગ્રુપ ઓફ રાણપુર દ્વારા આયોજિત કોઈપણ સેવાકીય કાર્યક્રમ હોય કે લોકહિતાર્થે યોજાયેલા કાર્યક્રમો અને સેમિનારો હોય, ત્યારે એક જવાબદાર તાલુકા અધિકારી તરીકે શ્રી ગોહિલે પોતાની ફરજને સાચા અર્થમાં સાર્થક કરી બતાવી છે. તેમની આ નિષ્ઠા અને પ્રેરણાદાયી કાર્યશૈલી અન્ય અધિકારીઓ માટે ઉત્તમ ઉદાહરણ પૂરું પાડે છે.

આ પ્રસંગે જાયન્ટ્સ ગ્રુપ ઓફ રાણપુરના સભ્યો ઉપસ્થિત રહ્યા હતા અને સંસ્થાએ તેમની નોંધ લઈ, સેવાકીય પ્રવૃત્તિઓ સાથે ઉમદા કાર્યના શ્રેષ્ઠ પ્રેરણારૂપ દ્રષ્ટાંત પૂરું પાડ્યું છે.