દુધઈ કોપર ચોરી: ત્રણ આરોપી ઝડપાયા, ૪૧,૫૦૦નો મુદ્દામાલ કબજે

દુધઈ પોલીસ સ્ટેશન વિસ્તારમાં આવેલી નવકાર ઇસ્પાર્ડ લિમિટેડ કંપનીમાં થયેલી કોપર ચોરીના ગુનાનો ભેદ ઉકેલવામાં પોલીસને સફળતા મળી છે. પોલીસે આ મામલે ત્રણ આરોપીઓ રાયમલ રાવત, માધુસિંગ ભીલ અને માલસિંગ ડુડવેની ધરપકડ કરી છે.

પોલીસ ઇન્સ્પેક્ટર જે.એમ.જાડેજાની ટીમે ટેકનિકલ માહિતી અને હ્યુમન સોર્સના આધારે તપાસ હાથ ધરી હતી. આ તપાસ દરમિયાન પોલીસે બે કોપર કોયલની રિંગ અને ત્રણ કિલો કોપર વાયર સહિત કુલ ૪૧,૫૦૦ રૂપિયાનો મુદ્દામાલ કબજે કર્યો છે.

પોલીસે ત્રણેય આરોપીઓની ધરપકડ કરી કાયદેસરની કાર્યવાહી હાથ ધરી છે. આ ચોરીના ગુનામાં અન્ય કોઈ સામેલ છે કે કેમ તે દિશામાં પણ પોલીસે તપાસ શરૂ કરી છે.