પતિની હત્યા કરી મૃતદેહના ટુકડા કરનાર પત્ની અને પ્રેમીને ફાંસીની સજા

ઉત્તરપ્રદેશના મેરઠમાં એક ચોંકાવનારા કેસમાં, પતિ સૌરભ રાજપૂતની નિર્મમ હત્યા કરનાર પત્ની મુસ્કાન અને તેના પ્રેમી સાહિલને કોર્ટે ફાંસીની સજા સંભળાવી છે. ન્યાયાધીશ અરવિંદ કુમાર મિશ્રાએ વીડિયો કોન્ફરન્સિંગ દ્વારા આ ચુકાદો આપ્યો હતો.

આ ઘટના 3 માર્ચ 2025 ના રોજ બની હતી, જ્યારે સૌરભની હત્યા કરવામાં આવી હતી અને તેના મૃતદેહના 5 ટુકડા કરીને વાદળી ડ્રમમાં ભરી દેવાયા હતા. કોર્ટે 30 સપ્ટેમ્બરે બંને આરોપીઓને દોષિત ઠેરવ્યા હતા.

સજા સંભળાવતા પહેલાં પૂછપરછ દરમિયાન, પત્ની મુસ્કાને પોતાની નાની દીકરીની સંભાળ રાખવાની વાત કહીને મૌન ધારણ કરી લીધું હતું. સરકારી વકીલ કે.કે. ચૌબે દ્વારા રજૂ કરાયેલા મજબૂત પુરાવાઓ અને દલીલોને ધ્યાનમાં રાખીને કોર્ટે આ કડક સજા ફટકારી છે.