માંગરોળ નજીક ઓવરબ્રિજ પાસે ટ્રક અડફેટે બાબરા ગામના યુવકનું મોત

માંગરોળ નજીક ઓવરબ્રિજ પાસે ગતરોજ એક ગમખ્વાર અકસ્માત સર્જાયો હતો. જેમાં શીખ પ્રસંગમાં હાજરી આપીને પોતાના ઘરે પરત ફરી રહેલા બાબરા ગામના યુવક મેરુ ભીખનભાઈ ખાંભલાને ટ્રકે અડફેટે લીધા હતા.

આ અકસ્માતમાં મેરુ ભીખનભાઈ ખાંભલાને ગંભીર ઈજાઓ પહોંચી હતી. તેમને તાત્કાલિક સારવાર માટે ખસેડવામાં આવ્યા હતા, પરંતુ સારવાર દરમિયાન તેમનું દુઃખદ અવસાન થયું હતું.

આ ઘટના અંગે માંગરોળ મરીન પોલીસે ટ્રક ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે. પોલીસે અકસ્માત સર્જનાર ટ્રક ચાલકની શોધખોળ શરૂ કરી છે અને આ બનાવ અંગે વધુ તપાસ હાથ ધરી છે.