બોટાદમાં બ્રેઝા કારમાં આગ, વાહન ખાખ બની ગયું

બોટાદના ભાવનગર રોડ પર સ્વામિનારાયણ મંદિરથી આગળ પસાર થઈ રહેલી બ્રેઝા કારમાં અચાનક આગ ભભૂકી ઊઠી. વાહન રસ્તા પર જમણું વળાંક લેતા સમયે આગ લાગી.

ચાલકે સમયસૂચકતા વાપરીને તાત્કાલિક કારમાંથી બહાર નીકળી જતાં જાનહાનિ ટળી. ઘટનાની જાણ થતાં જ ફાયર બ્રિગેડ અને પોલીસની ટીમ સ્થળે પહોંચી.

ફાયર ટીમે પાણીનો મારો ચલાવી આગ પર કાબૂ મેળવવાની કામગીરી હાથ ધરી, પરંતુ આગ એટલી તીવ્ર હતી કે વાહન સંપૂર્ણપણે બળીને ખાખ બની ગયું.

આ ઘટનામાં કોઈ જાનહાનિ નોંધાઈ નથી. અધિકારીઓએ આગનું કારણ તપાસવા માટે તપાસ શરૂ કરી છે.