હિંમતનગર મેડિકલ કોલેજમાં ‘રાસલીલા પ્રિ-નવરાત્રી ૨૦૨૬’ મહોત્સવ યોજાયો..

સાબરકાંઠાના-:
હિંમતનગર મેડિકલ કોલેજ ખાતે તા. ૧૦/૧૦/૨૦૨૬ ના રોજ બેચ ૨૦૨૩ કમિટી દ્વારા ‘રાસલીલા પ્રિ-નવરાત્રી ૨૦૨૬’ મહોત્સવનું આયોજન કરવામાં આવ્યું હતું.આ કાર્યક્રમમાં ઉપસ્થિત રહીને ભાવી તબીબોનો ઉત્સાહ વધારવામાં આવ્યો હતો અને સૌને આધ્યાશક્તિની આરાધનાના મહાપર્વ નવરાત્રીની હાર્દિક શુભકામનાઓ પાઠવવામાં આવી હતી..

આ પ્રસંગે યુવા વિદ્યાર્થીઓ સાથે સંવાદ સાધીને ભારતીય સંસ્કૃતિ તથા સનાતન પરંપરાના જતનમાં યુવાનોની અગ્રેસર ભૂમિકા અંગે માર્ગદર્શન આપવામાં આવ્યું હતું. તેમજ જગતજનની મા અંબાના આશીર્વાદથી સૌના જીવનમાં સુખ, સમૃદ્ધિ અને ઉજ્જવળ કારકિર્દીની સફળતા મળે તેવી પ્રાર્થના કરવામાં આવી હતી.કાર્યક્રમનું સફળ આયોજન કરનાર સમિતિના સભ્યો દેવરાજસિંહ પરમાર, આયુષ યાદવ, આર્યરાજ પુવાર, જયદીપ ગોહિલ, અજય ગુપ્તા, નિતિન શર્મા, અર્ણવ તિવારી અને રાહિલ સહિત મોટી સંખ્યામાં ઉપસ્થિત રહેલા મેડિકલ કોલેજના તમામ વિદ્યાર્થી ભાઈ-બહેનોનો હૃદયપૂર્વક આભાર વ્યક્ત કરવામાં આવ્યો હતો.