ભરૂચ રેલવે સ્ટેશન પર મહિલા મોરચા દ્વારા મણિપુરના સાંસદ સામે જાતીય સતામણીના આરોપો અંગે વિરોધ પ્રદર્શન

ભરૂચ રેલવે સ્ટેશન પર ભાજપ મહિલા મોરચા દ્વારા એક વિરોધ પ્રદર્શનનું આયોજન કરવામાં આવ્યું. આ વિરોધ પ્રદર્શન મણિપુરના કોંગ્રેસના સાંસદ અને JNUના પૂર્વ પ્રોફેસર ડૉ. એંગોમચા બિમોલ અકોઈજામ સામે લાગેલા જાતીય સતામણીના ગંભીર આરોપોના વિરોધમાં યોજાયો હતો.

પ્રદર્શનકારી મહિલાઓએ સાંસદ ડૉ. એંગોમચા બિમોલ અકોઈજામ વિરુદ્ધ સૂત્રોચ્ચાર કર્યા હતા અને તેમની તાત્કાલિક ધરપકડની માંગ કરી હતી. આ ઘટનાએ સ્થાનિક સ્તરે પણ ચર્ચા જગાવી હતી.

મહિલા મોરચાના કાર્યકરોએ જણાવ્યું હતું કે, આવા ગંભીર આરોપોનો સામનો કરી રહેલા નેતાઓએ જાહેર જીવનમાં જવાબદારીપૂર્વક વર્તવું જોઈએ અને કાયદાકીય કાર્યવાહીનો સામનો કરવો જોઈએ.