પેડલ પ્રવાસી સાયકલ ગ્રુપ દ્વારા ધાંગધ્રા થી ચોટીલા સુધી ૧૦૦ કિલોમીટરની સાઇકલ યાત્રા

બ્રેકિંગ ન્યુઝ
ધાંગધ્રા અને ચોટીલા વચ્ચે આઠ સભ્યોના બનેલા પેડલ પ્રવાસી સાયકલ ગ્રુપ દ્વારા એક પ્રેરણાદાયી સાઇકલ યાત્રાનું આયોજન કરવામાં આવ્યું હતું. આ ગ્રુપ દ્વારા કુલ ૧૦૦ કિલોમીટરનું અંતર કાપીને સફળતાપૂર્વક પોતાની યાત્રા પૂર્ણ કરી.

આ સાઇકલ યાત્રાનો મુખ્ય ઉદ્દેશ્ય માત્ર શારીરિક કસરત અને પર્યાવરણ પ્રત્યે જાગૃતિ ફેલાવવાનો નહોતો, પરંતુ ધાંગધ્રાથી પ્રસ્થાન કરીને ચોટીલા ખાતે બિરાજમાન ચામુંડા માતાના દર્શન કરી ભક્તિભાવ વ્યક્ત કરવાનો પણ હતો. ગ્રુપના સભ્યોએ આ યાત્રા દરમિયાન આધ્યાત્મિક શાંતિ અને આનંદનો અનુભવ કર્યો.

આઠ સભ્યોની આ ટીમે ૧૦૦ કિલોમીટરની મુસાફરી દરમિયાન અનેક પડકારોનો સામનો કર્યો, પરંતુ તેમની દ્રઢ ઇચ્છાશક્તિ અને ટીમવર્કને કારણે તેઓ સફળતાપૂર્વક યાત્રા પૂર્ણ કરી શક્યા. આ પ્રકારની યાત્રાઓ યુવાનોને સાયકલિંગ અપનાવવા અને સ્વસ્થ જીવનશૈલી જીવવા માટે પ્રોત્સાહિત કરે છે.
રિપોર્ટર સિકંદર ભટ્ટી ધાગધ્રા