બોરસદ તાલુકાના દાવોલમાં ૮૯ લાખના ખર્ચે બનનારા રોડનું ખાતમુહૂર્ત

આજરોજ બોરસદ તાલુકાના દાવોલ ખાતે રૂ. ૮૯ લાખના ખર્ચે નિર્માણ પામનાર દાવોલ ચારી વિસ્તારના રોડનું ખાતમુહૂર્ત કરીને વિકાસકાર્યનો શુભારંભ કરાવવામાં આવ્યો.

આ નવા નિર્માણ પામનારા માર્ગથી કેવલ કુંજ વિસ્તાર, તાડિયા લીમડા વિસ્તાર તથા બીબી તલાવડી વિસ્તારના નાગરિકોને અવરજવરમાં મોટી સુવિધા પ્રાપ્ત થશે. આ વિકાસકાર્ય સ્થાનિક પરિવહનને વધુ સુગમ બનાવવામાં મદદરૂપ થશે.

રમણભાઈ સોલંકીએ આ વિકાસકાર્યના શુભારંભ પ્રસંગે ઉપસ્થિત રહીને સ્થાનિક નાગરિકો માટે સુવિધાઓ વધારવાના પ્રયાસોને બિરદાવ્યા હતા.