ભરૂચમાં 'વોટ ચોરી' વિરુદ્ધ કોંગ્રેસની પદયાત્રા, પોલીસ દ્વારા કાર્યકરોની અટકાયત

ભરૂચ શહેરમાં 'વોટ ચોરી અટકાવો, લોકશાહી બચાવો, દેશ બચાવો અને સંવિધાન બચાવો'ના મુદ્દાને લઈને કોંગ્રેસ દ્વારા એક પદયાત્રાનું આયોજન કરવામાં આવ્યું હતું. આ પદયાત્રા દરમિયાન, પાંચબત્તી સર્કલ ખાતે વિરોધ પ્રદર્શન યોજવામાં આવ્યું હતું.

આ વિરોધ પ્રદર્શન દરમિયાન, પોલીસે કોંગ્રેસના અનેક કાર્યકરોની અટકાયત કરી હતી. આ કાર્યવાહીને લઈને કોંગ્રેસના કાર્યકરોમાં નારાજગી જોવા મળી હતી.

ભરૂચ જિલ્લા કોંગ્રેસ પ્રમુખે આક્ષેપ કર્યો હતો કે ભાજપના એક નેતાના કહેવાથી તેમની પદયાત્રા માટેની પરમિશન રદ કરવામાં આવી રહી છે. તેમણે જણાવ્યું હતું કે આ પ્રકારની કાર્યવાહી લોકશાહી વિરોધી છે અને તેનો સખત વિરોધ કરવામાં આવશે.