પલસાણાના અંત્રોલી ગામે ધાબા પરથી પટકાયા બે યુવકો, એકનું મોત

પલસાણા તાલુકાના અંત્રોલી ગામમાં નવરાત્રીના પ્રથમ નોરતે એક દુઃખદ ઘટના બની છે. ગામમાં આવેલા શ્રી હરિ નિવાસ નામના રહેણાંક મકાનના ચોથા માળના ધાબા પરથી બે યુવકો અચાનક નીચે પટકાયા હતા.

આ ભયાનક દુર્ઘટનાના કારણે બંને યુવકોને ગંભીર ઈજાઓ પહોંચી હતી. તાત્કાલિક ધોરણે તેમને સારવાર માટે ખસેડવામાં આવ્યા હતા, પરંતુ કમનસીબે એક યુવકનું ઘટનાસ્થળે જ કરૂણ મૃત્યુ નિપજ્યું હતું. જ્યારે અન્ય યુવકને ઈજાઓ થતાં તેની સારવાર ચાલી રહી છે.

આ ઘટના અંગે સ્થાનિક પોલીસને જાણ કરવામાં આવી છે અને પોલીસે વધુ તપાસ હાથ ધરી છે. ધાબા પરથી યુવકો કેવી રીતે પટકાયા તે અંગે હાલ તપાસ ચાલી રહી છે. આ ઘટનાને પગલે સમગ્ર વિસ્તારમાં શોકનું મોજું ફરી વળ્યું છે.