હાલોલ ગામમાં ૩ વર્ષના બાળકનું અપહરણ કરતા મહિલા ઝડપાઈ

મળતી માહિતી અનુસાર, હાલોલ ગામમાં એક ૩ વર્ષના બાળકને રમકડું બતાવીને તેને પોતાની સાથે લઈ જવાનો પ્રયાસ કરતી એક મહિલાને સ્થાનિક લોકોએ રંગે હાથે ઝડપી પાડી હતી.

આ ઘટના બાદ ગામમાં ચકચાર મચી જવા પામી હતી. સ્થાનિક લોકોએ તાત્કાલિક ધોરણે મહિલાને અટકાવી હતી અને તેની પૂછપરછ શરૂ કરી હતી.

બાળકને સુરક્ષિત રીતે તેના પરિવારજનોને સોંપવામાં આવ્યું હતું. આ મામલે વધુ તપાસ હાથ ધરવામાં આવી રહી છે.