હિંમતનગર અને ઇડર બસ સ્ટેન્ડ પર ગ્રામ હાટનો શુભારંભ: ગ્રામીણ મહિલાઓને મળશે વેચાણ માટે નવું પ્લેટફોર્મ..

સાબરકાંઠામાં-:
ગ્રામીણ મહિલાઓને આર્થિક રીતે સક્ષમ બનાવવાના ઉમદા હેતુ સાથે એક નવી પહેલ શરૂ કરવામાં આવી છે.હિંમતનગર અને ઇડર ખાતે આવેલા બસ સ્ટેન્ડ પરિસરમાં ગ્રામ હાટનો શુભારંભ કરાવવામાં આવ્યો છે.આ આયોજનનો મુખ્ય ઉદ્દેશ્ય સ્વસહાય જૂથો સાથે જોડાયેલી ગ્રામીણ મહિલાઓ દ્વારા તૈયાર કરવામાં આવતા વિવિધ ઉત્પાદનોને યોગ્ય બજાર અને વેચાણ માટેનું એક ઉત્તમ પ્લેટફોર્મ પૂરો પાડવાનો છે.આ ગ્રામ હાટ દ્વારા મહિલાઓને તેમના ઘરઆંગણે જ તેમના ઉત્પાદનોનું વેચાણ કરવાની સુવિધા પ્રાપ્ત થશે. સ્થાનિક સ્તરે ઉત્પાદિત થયેલી વસ્તુઓ જેમ કે ગૃહઉદ્યોગના ઉત્પાદનો,કૃષિ આધારિત વસ્તુઓ અને અન્ય હસ્તકલાની વસ્તુઓનું પ્રદર્શન અને વેચાણ અહીં થઈ શકશે.આનાથી મહિલાઓને આર્થિક લાભની સાથે સાથે તેમના કૌશલ્યોને વધુ નિખારવાની અને આત્મવિશ્વાસ વધારવાની તક પણ મળશે..

આ પહેલ ગ્રામીણ અર્થતંત્રને મજબૂત બનાવવામાં પણ મદદરૂપ થશે. સ્થાનિક ઉત્પાદનોને પ્રોત્સાહન મળવાથી રોજગારીની નવી તકો ઊભી થવાની સાથે સાથે ગ્રામીણ કારીગરો અને ઉદ્યોગસાહસિકોને પણ વેગ મળશે. આશા છે કે આ ગ્રામ હાટ મહિલા સશક્તિકરણ અને ગ્રામીણ વિકાસની દિશામાં એક મહત્વપૂર્ણ પગલું સાબિત થશે.