સુરતના અંબિકા નિકેતન મંદિરમાં નાયબ મુખ્યમંત્રી હર્ષ સંઘવીએ કર્યા માતાજીના દર્શન..

સુરતમાં નવરાત્રીના પાવન પર્વનો પ્રારંભ થયો છે.આ અવસરે ગુજરાતના નાયબ મુખ્યમંત્રી હર્ષ સંઘવીએ શહેરના પ્રસિદ્ધ અંબિકા નિકેતન મંદિરમાં માતાજીના દર્શન કર્યા હતા.નવરાત્રીના પ્રથમ દિવસે ઘટસ્થાપનાના શુભ મુહૂર્તમાં તેમણે મંદિરમાં પૂજા-અર્ચના કરી હતી..

આ પ્રસંગે તેમણે રાજ્યની સુખાકારી અને શાંતિ માટે પ્રાર્થના કરી હતી.નાયબ મુખ્યમંત્રીની ઉપસ્થિતિએ મંદિર પરિસરમાં ભક્તોમાં ઉત્સાહ જગાવ્યો હતો.અંબિકા નિકેતન મંદિર નવરાત્રી દરમિયાન શ્રદ્ધાળુઓ માટે આસ્થાનું કેન્દ્ર રહે છે.અહીં દર વર્ષે મોટી સંખ્યામાં ભક્તો માતાજીના દર્શન કરવા આવે છે.આ વર્ષે પણ મંદિર પરિસરને ભવ્ય રીતે શણગારવામાં આવ્યું છે.