અમદાવાદ જિલ્લાના માંડલ તાલુકામાં પાક નુકસાનના વળતર માટે ખેડૂતો દ્વારા મામલતદાર શ્રી ને આવેદનપત્ર પાઠવવામાં આવ્યું.

અમદાવાદ જિલ્લાના માંડલ પંથકમાં ચાલુ વર્ષે અતિવૃષ્ટિના કારણે ખેડૂતોને પાકમાં ભારે નુકસાન થયું છે. કુદરતી આફતના કારણે ખેડૂતોની આર્થિક સ્થિતિ કફોડી બની છે. ત્યારે પાક નુકસાનનું યોગ્ય વળતર ચૂકવવામાં આવે તેવી માંગ ઉઠી છે.મોટી સંખ્યામાં ખેડૂતો એકત્ર થઈ સરકાર સમક્ષ પોતાની રજૂઆત કરી હતી. ખેડૂતો દ્વારા પાક નુકસાનના વળતરની માંગ સાથે મામલતદારને આવેદનપત્ર પાઠવવામાં આવ્યું હતું.
ખેડૂતોને થયેલા નુકસાનનું યોગ્ય મૂલ્યાંકન કરી સરકાર દ્વારા વહેલી તકે વળતર ચૂકવવામાં આવે તેવી માંગ કરવામાં આવી છે.
રિપોર્ટર અસીક અલી ગીલાણી, વિરમગામ