સામૂહિક આરોગ્ય કેન્દ્ર ખાતે કેબિનેટ મંત્રીશ્રી નરેશભાઈ પટેલે રોગી કલ્યાણ સમિતિ ની બેઠક યોજી

કેબિનેટ મંત્રીશ્રી નરેશભાઈ પટેલે ગણદેવી વિધાનસભા ક્ષેત્ર અંતર્ગત ચીખલી સબ ડિસ્ટ્રિક્ટ હોસ્પિટલ, ટાંકલ સામૂહિક આરોગ્ય કેન્દ્ર, મેંગુસી હોસ્પિટલ, બીલીમોરા તથા સામૂહિક આરોગ્ય કેન્દ્ર, ગણદેવી ખાતે રોગી કલ્યાણ સમિતિની બેઠકો યોજી, આરોગ્ય સેવાઓની સમીક્ષા કરી હતી.

આ બેઠકોમાં દર્દીઓને ઉત્તમ, ગુણવત્તાયુક્ત અને સમયસર સારવાર મળી રહે તે અંગે ચર્ચા-વિચારણા કરી સંબંધિત અધિકારીઓને જરૂરી સૂચનો આપ્યા હતા.