બનાસકાંઠા પોલીસ પરિવાર દ્વારા નવરાત્રી મહોત્સવ-૨૦૨૬ની ઉજવણી..

બનાસકાંઠા ખાતે પોલીસ પરિવાર દ્વારા નવરાત્રી મહોત્સવ-૨૦૨૬નું આયોજન કરવામાં આવ્યું હતું.આ ઉત્સવમાં બનાસકાંઠા પોલીસ અધિક્ષક સુંબે પોતાના પરિવાર સાથે ઉત્સાહભેર જોડાયા હતા.પોલીસ અધિક્ષક સુંબે માત્ર ઉપસ્થિત જ નહોતા રહ્યા,પરંતુ તેઓ ખુદ ગરબાના તાલે ઝૂમ્યા હતા. તેમના આ ઉત્સાહે પોલીસ સ્ટાફ અને અન્ય ઉપસ્થિત લોકોમાં પણ નવી ઉર્જાનો સંચાર કર્યો હતો..

આ પ્રસંગે પોલીસ સ્ટાફના અન્ય સભ્યો પણ પોતાના પરિવાર સાથે ઉપસ્થિત રહ્યા હતા અને સૌ સાથે મળીને નવરાત્રીના પવિત્ર પર્વની ખુશીઓ મનાવી હતી. આ આયોજન પોલીસ વિભાગ અને તેમના પરિવારો વચ્ચેના સંબંધોને વધુ મજબૂત બનાવવામાં મદદરૂપ થયું.