వేల్పూరు మాజీ సర్పంచ్ దత్తుడు మృతికి శాలివాహన సంఘం సంతాపం

తణుకు మండలం వేల్పూరు గ్రామ మాజీ సర్పంచ్ పెనుమర్తి సోమసూర్య చంద్రరావు (దత్తుడు) మృతి పట్ల శాలివాహన సంక్షేమ సంఘం ప్రతినిధులు తీవ్ర దిగ్భ్రాంతి వ్యక్తం చేస్తూ సంతాపం తెలిపారు.

జిల్లా శాలివాహన సంక్షేమ సంఘం అధ్యక్షుడు గురుజు కోట రాకేష్ బాబు ఆధ్వర్యంలో వేల్పూరులోని ఆయన నివాసంలో దత్తుడు చిత్రపటానికి పూలమాలలు వేసి నివాళులర్పించారు. ఈ సందర్భంగా ఆయనతో తమకున్న అనుబంధాన్ని గుర్తు చేసుకున్నారు.

ఈ కార్యక్రమంలో భాగంగా, సంఘం ప్రతినిధులు స్థానిక ఎమ్మెల్యే రాధాకృష్ణను పరామర్శించి, మాజీ సర్పంచ్ దత్తుడు మృతి పట్ల ప్రగాఢ సానుభూతిని తెలియజేశారు.