કામરેજ શ્રી કલ્યાણ ધામ આશ્રમના મહંત ધર્મદાસ ખાખીએ નવરાત્રીમાં વિધર્મીઓના પ્રવેશ સામે વિરોધ કરવા અપીલ કરી

કામરેજ નજીક આવેલા શ્રી કલ્યાણ ધામ આશ્રમના મહંત શ્રી ધર્મદાસ ખાખીએ આગામી નવરાત્રી પર્વને લઈને એક મહત્વપૂર્ણ નિવેદન જાહેર કર્યું છે. તેમણે જણાવ્યું કે નવરાત્રી એ જગદંબા ભગવતીની આરાધનાનું પવિત્ર પર્વ છે અને આ સમય દરમિયાન સનાતન ધર્મના અનુયાયીઓએ ભગવતીની સ્તુતિ કરવી જોઈએ.

મહંત ધર્મદાસ ખાખીએ ગરબાના આયોજન અંગે ચિંતા વ્યક્ત કરતાં કહ્યું કે, આવા આયોજનોમાં વિધર્મીઓના પ્રવેશથી તકલીફ ઊભી થાય છે. તેમણે આ મુદ્દે સાધુ-સંતો અને સનાતન ધર્મના લોકો સાથે મળીને વિરોધ કરવાની અપીલ કરી છે.

તેમણે વધુમાં જણાવ્યું કે, નવરાત્રી દરમિયાન યોજાતા ગરબાના કાર્યક્રમોમાં માત્ર સનાતન ધર્મના લોકોની જ હાજરી હોવી જોઈએ, જેથી પવિત્રતા જળવાઈ રહે અને કોઈ અસુવિધા ન થાય.