લીલીયા મોટા માર્કેટ યાર્ડમાં ૧૨મી ઓક્ટોબરથી કપાસની જાહેર હરાજી શરૂ થશે

લીલીયા મોટા ખેતીવાડી ઉત્પન્ન બજાર સમિતિ સંચાલિત ભાભા માર્કેટ યાર્ડ, લીલીયા મોટા મુકામે આગામી તા. ૧૨/૧૦/૨૦૨૬ ને સોમવારના રોજ બીજા નોરતાથી કપાસની ગાસડીની જાહેર હરાજીનું કામકાજ શરૂ કરવામાં આવનાર છે.

ભાભા માર્કેટયાર્ડમાં ૧૨ ઓક્ટોબરથી ખેડૂતો માટે ખુલ્લી હરાજીની સાથે સાથે સાચો તોલ અને રોકડા નાણાની વ્યવસ્થા પણ કરવામાં આવી છે. આ સુવિધાઓ ખેડૂતોને તેમના ઉત્પાદનના યોગ્ય મૂલ્ય મેળવવામાં મદદરૂપ થશે.

લીલીયા વિસ્તારના તમામ ખેડૂત ભાઈઓને પોતાના ખેતરમાં ઉત્પન્ન થયેલો કપાસ યોગ્ય રીતે ગાસડી કરીને માર્કેટ યાર્ડમાં લાવવા માટે અપીલ કરવામાં આવી છે, જેથી તેઓ પોષણક્ષમ ભાવ મેળવી શકે. સનાળીયા રોડ, રેલવે સ્ટેશન સામે આવેલા યાર્ડમાં આ વ્યવસ્થા ગોઠવવામાં આવી છે.

વધુ માહિતી માટે, રસ ધરાવતા ખેડૂતો મો. ૯૭૭૯૧૨૪૯૬૪ પર સંપર્ક કરી શકે છે.