పసలపూడిలో పులి సంచారం: రైతులు ఒంటరిగా పొలాలకు వెళ్లవద్దని సీఐ హెచ్చరిక

ఉండ్రాజవరం మండలం పసలపూడి వద్ద పెద్దపులి సంచారం కలకలం రేపుతోంది. ఈ క్రమంలో పులి ఎటువైపు వెళుతుందోనని అధికారులు ఆందోళన వ్యక్తం చేస్తున్నారు. పులి సంచారం నేపథ్యంలో రైతులు ఒంటరిగా పొలాల్లోకి వెళ్లవద్దని తణుకు రూరల్ సీఐ డి.వెంకటేశ్వరరావు హెచ్చరించారు.

తణుకు మండలం ముద్దాపురం, కోనాల తదితర ప్రాంతాల్లో తణుకు రూరల్ పోలీసులు పర్యటించి, అటవీ ప్రాంతాలకు వెళ్లే రైతులను అప్రమత్తం చేస్తున్నారు. పులి సంచారం ఉన్న ప్రాంతాల్లో అదనపు జాగ్రత్తలు తీసుకోవాలని సూచిస్తున్నారు.

రైతులు అప్రమత్తంగా ఉండాలని, అనుమానాస్పదంగా ఏదైనా కనిపిస్తే వెంటనే పోలీసులకు లేదా అటవీ అధికారులకు సమాచారం అందించాలని సీఐ సూచించారు. పులి సంచారంపై అధికారులు నిఘా ఉంచారు.