Local
વડોદરા ગ્રામ્ય પોલીસ દ્વારા નવરાત્રી સુરક્ષા એપ લોન્ચ: દીકરીઓ ઘરે ન પહોંચે તો કંટ્રોલ રૂમમાં એલર્ટ
વડોદરા ગ્રામ્ય પોલીસે નવરાત્રી દરમિયાન મહિલા ખેલૈયાઓની સુરક્ષા સુનિશ્ચિત કરવા માટે એક નવીન પહેલ કરી છે. 'નવરંગ સુરક્ષા' અભિયાન હેઠળ, એક ખાસ મોબાઇલ એપ્લિકેશન લોન્ચ કરવામાં આવી છે જે SOS એલર્ટ સીધા પોલીસ કંટ્રોલ રૂમ સાથે જોડે છે.
આ એપનું SOS બટન સતત 2 સેકન્ડ દબાવવાથી સીધો કંટ્રોલ રૂમમાં એલર્ટ જશે અને તાત્કાલિક મદદ રવાના થશે. 2024માં બનેલી ભાયલી ગેંગરેપની ઘટના બાદ પોલીસે સુરક્ષા વ્યવસ્થા વધુ સઘન બનાવી છે. તમામ ખેલૈયાઓને આ નવરાત્રી સુરક્ષા એપ્લિકેશન ડાઉનલોડ કરીને ઇન્સ્ટોલ કરવાની સૂચના આપવામાં આવી છે.