અમરેલીમાં વોકેશનલ ટ્રેનર્સ દ્વારા પડતર પ્રશ્નો અંગે કલેક્ટરને આવેદનપત્ર

અમરેલી શહેરમાં સમગ્ર શિક્ષા અભિયાન અંતર્ગત સરકારી અને અનુદાનિત માધ્યમિક તથા ઉચ્ચતર માધ્યમિક શાળાઓમાં વ્યવસાયિક શિક્ષણ આપતા વોકેશનલ ટ્રેનર્સ દ્વારા તેમના પડતર પ્રશ્નોના નિરાકરણ માટે જિલ્લા શિક્ષણ અધિકારી અને કલેક્ટરને આવેદનપત્ર સુપરત કરવામાં આવ્યું છે.

વોકેશનલ ટ્રેનર્સ લાંબા સમયથી વિવિધ પ્રશ્નોનો સામનો કરી રહ્યા છે, જેમાં મુખ્યત્વે ફિક્સ પગાર રૂ. ૨૪,૦૦૦ ચૂકવવાની અને રવિવાર તથા જાહેર રજાઓના દિવસોનો પગાર ન કાપવાની માંગણીઓનો સમાવેશ થાય છે. આ ઉપરાંત, અન્ય વિવિધ પડતર પ્રશ્નો અંગે પણ રજૂઆતો કરવામાં આવી છે.

આ આવેદનપત્ર પાઠવવામાં સંઘના ધનશ્યામભાઈ ગોસ્વામી સહિત અનેક ભાઈઓ તથા બહેનો ઉપસ્થિત રહ્યા હતા. તેમણે સરકાર સમક્ષ પોતાના પ્રશ્નો રજૂ કરીને તાત્કાલિક ઉકેલ લાવવા અને યોગ્ય ન્યાય આપવા સંબંધિત અધિકારીઓને અનુરોધ કર્યો છે.