ఆదిలాబాద్: కళాశాల భూమి ఆక్రమణకు యత్నం?

ఆదిలాబాద్ ప్రభుత్వ డిగ్రీ కళాశాల(సైన్సెస్) కు చెందిన భూమిని అనధికారికంగా చదును చేసి ఆక్రమించేందుకు ప్రయత్నాలు జరుగుతున్నాయని ప్రిన్సిపల్ సంగీత ఆందోళన వ్యక్తం చేశారు. ఈ విషయంపై మున్సిపల్ కమిషనర్కు ఫిర్యాదు చేశారు. కళాశాల ప్రహరీ వెంట భూమిని చదును చేయడంతో హరితహారం కింద నాటిన మొక్కలు తొలగిపోయాయని తెలిపారు. అక్కడ స్తంభాలు ఏర్పాటు చేయడం ఆక్రమణ యత్నంగా కనిపిస్తోందని పేర్కొన్నారు.