સુરતમાં કરિયાણા સ્ટોરમાંથી મુદત વીતી ગયેલો જથ્થો ઝડપાયો, પાલિકાની કાર્યવાહી

સુરત મહાનગરપાલિકાના આરોગ્ય વિભાગ દ્વારા શહેરીજનોના આરોગ્યની સુરક્ષા અને ખાદ્ય ચીજવસ્તુઓની ગુણવત્તા જાળવવા માટે સઘન ચેકિંગ ઝુંબેશ તેજ કરવામાં આવી છે. લોકોના સ્વાસ્થ્ય સાથે ચેડાં કરતા અને ફૂડ સેફ્ટીના નિયમોનું ઉલ્લંઘન કરતા વેપારીઓ સામે પાલિકા તંત્રએ કડક વલણ અપનાવ્યું છે.

આ કવાયતના ભાગરૂપે કતારગામ ઝોનના આરોગ્ય વિભાગની ટીમે અંબિકાનગર રોડ પર આવેલી ‘અક્ષર કરિયાણા એન્ડ પ્રોવિઝન સ્ટોર’માં ઓચિંતી તપાસ હાથ ધરી હતી. આ દરમિયાન, સ્ટોરમાંથી મોટા પ્રમાણમાં મુદત વીતી ગયેલી ચીજવસ્તુઓનો જથ્થો ઝડપી પાડવામાં આવ્યો હતો.

પાલિકા તંત્ર દ્વારા ફૂડ સેફ્ટીના નિયમોનું પાલન ન કરતા વેપારીઓ સામે કડક કાર્યવાહી કરવામાં આવી રહી છે. આ પ્રકારની તપાસ ઝુંબેશ ચાલુ રહેશે તેમ જણાવાયું છે, જેથી નાગરિકોને શુદ્ધ અને ગુણવત્તાયુક્ત ખાદ્ય પદાર્થો મળી રહે.