સુરતમાં પારિવારિક ઝઘડામાં પત્નીની હત્યા: પતિએ ગળું દબાવી મોતને ઘાટ ઉતારી, આપઘાતનો પ્રયાસ કર્યો

સુરત શહેરના વરાછા વિસ્તારના ઉમરવાડા સ્થિત ટાંકલી ફળિયામાં રોજિંદા પારિવારિક ક્લેશ અને તકરારે લોહિયાળ રૂપ ધારણ કર્યું છે. બોલાચાલીમાં આવેશમાં આવી ગયેલા 50 વર્ષીય પતિએ પોતાની પત્નીનું ગળું દબાવી ક્રૂરતાપૂર્વક હત્યા કરી નાખી હતી.

ગુનો આચર્યા બાદ શાતિર પતિએ આ સમગ્ર ઘટનાને આપઘાતમાં ખપાવવાનો કારસો રચ્યો હતો. તેણે પત્નીની હત્યા કર્યા બાદ તેને એવી રીતે રજૂ કરવાનો પ્રયાસ કર્યો કે જાણે તેણે આત્મહત્યા કરી હોય.

જોકે, તબીબી તપાસ અને પોલીસની ઝીણવટભરી તપાસમાં સત્ય સામે આવી જતાં પોલીસે ગણતરીના કલાકોમાં આરોપી પતિને ઝડપી પાડી જેલભેગો કર્યો છે. આ ઘટનાએ વિસ્તારમાં ચકચાર મચાવી છે.