અમદાવાદ: રેસ્ટોરન્ટ વેપારીઓને ચિલર આપવાના બહાને છેતરપિંડી કરનાર ઝડપાયો

અમદાવાદ શહેરના રામોલ પોલીસ સ્ટેશન વિસ્તારમાં એક મોટી છેતરપિંડીનો પર્દાફાશ થયો છે. પોલીસ દ્વારા એક આરોપીને ઝડપી પાડવામાં આવ્યો છે જે રેસ્ટોરન્ટ અને લારી-ગલ્લાના વેપારીઓને ચિલર (નાના સિક્કા) લાવી આપવાના બહાને વિશ્વાસમાં લઈ પૈસા પડાવી લેતો હતો અને ત્યારબાદ ચિલર આપતો ન હતો.

પોલીસ કમિશ્નર, સંયુક્ત પોલીસ કમિશ્નર સેક્ટર-૨, નાયબ પોલીસ કમિશ્નર ઝોન-૮ અને મદદનીશ પોલીસ કમિશ્નર "આઈ" ડીવીઝન દ્વારા મિલકત સબંધી ગુનાઓ અટકાવવા અને ગુનાઓ શોધી કાઢવા માટે આપવામાં આવેલ સૂચનાઓના પાલનમાં, પોલીસ ઈન્સ્પેક્ટર શ્રી એસ.એન.ચુડાસમા અને સે.પોલીસ ઈન્સ્પેક્ટર એમ.આર.ચૌધરીના માર્ગદર્શન હેઠળ પોલીસ સ્ટાફ પેટ્રોલીંગમાં હતો.

તા. ૦૬/૧૦/૨૬ ના રોજ, સર્વેલન્સ સ્કોડના પો.સ.ઈ. આર.બી. રબારી અને તેમના સ્ટાફના માણસો પેટ્રોલીંગ દરમિયાન હતા. એ.એસ.આઈ. હરેશભાઈ મથુરભાઈ (બ.નં. ૧૩૦૨૪) ની ટીમને બાતમી મળી હતી. આ બાતમીના આધારે, રામોલ વસ્ત્રાલ તનમન ચાર રસ્તા ખાતે જાહેરમાં પંચો સાથે તપાસ કરતાં આરોપી વાલાભાઈ ઉર્ફે વિરાજને ઝડપી પાડવામાં આવ્યો.