સાબરકાંઠામાં કોંગ્રેસ દ્વારા મુખ્ય ચૂંટણી કમિશનરના રાજીનામા માંગતી રેલી...

સાબરકાંઠામાં-:
અખિલ ભારતીય રાષ્ટ્રીય કોંગ્રેસ સમિતિની સૂચના અનુસાર, સાબરકાંઠા જિલ્લાના હિંમતનગર તાલુકા અને શહેર કોંગ્રેસ સમિતિ દ્વારા ભારતના મુખ્ય ચૂંટણી કમિશનરના રાજીનામાની માંગ સાથે રેલીનું આયોજન કરવામાં આવ્યું હતું.આ રેલી દ્વારા કોંગ્રેસે ચૂંટણી પ્રક્રિયાને લઈને પોતાનો વિરોધ વ્યક્ત કર્યો હતો..

રેલીમાં ભાગ લેનાર કાર્યકરો દ્વારા 'વોટ ચોર, ગદ્દી છોડ' અને 'લોકશાહી બચાવો, દેશ બચાવો' જેવા નારાબાજી કરવામાં આવી હતી. આ રેલીનો ઉદ્દેશ્ય મુખ્ય ચૂંટણી કમિશનર પર દબાણ લાવવાનો અને તેમના રાજીનામાની માંગ ઉઠાવવાનો હતો.રેલીના અંતે હિંમતનગર કોંગ્રેસ સમિતિના પ્રતિનિધિઓ દ્વારા સાબરકાંઠા જિલ્લાના કલેક્ટરને આવેદનપત્ર પાઠવવામાં આવ્યું હતું. આ આવેદનપત્ર દ્વારા કોંગ્રેસે પોતાનો વિરોધ સત્તાવાર રીતે નોંધાવ્યો હતો અને ચૂંટણી પ્રક્રિયામાં પારદર્શિતા માંગી હતી.