வீட்டில் புகுந்த வாலிபர் போலீசிடம் ஒப்படைப்பு.

ஓமலுார்:ஓமலுார் காமராஜர் நகர், 5வது தெருவில் உள்ள ஒரு வீட்டில் புகுந்த வாலிபரை பிடித்து, பூட்டி வைத்துள்ளோம் என அப்பகுதி மக்கள் போலீசாருக்கு தகவல் அளித்தனர்.இதையடுத்து அங்கு சென்ற ஓமலுார் போலீசார் வீட்டை திறந்து, பீரோ உள்ள அறையில் பதுங்கியிருந்த வாலிபரை பிடித்து வெளியே கொண்டு வந்தனர்.


வாலிபரை பொதுமக்கள் தாக்க முயன்ற போது, போலீசார் அவர்களை தடுத்தனர். அப்போது வாலிபரின் நடவடிக்கையை பார்த்த போது மனநலம் பாதித்தவர் என தெரிய வந்தது. வீட்டில் எதுவும் திருட்டு போகவில்லை என்பதால், போலீசார் விசாரிக்க ஸ்டேஷனுக்கு அழைத்து சென்றனர்.