પૂર્વ કચ્છ પોલીસએ માતાનામઢમાં પદયાત્રીઓ માટે સેવા કેમ્પ શરૂ કર્યો

પૂર્વ કચ્છ ગાંધીધામ પોલીસએ માતાનામઢ ખાતે આશાપુરા માતાજીના દર્શન માટે આવતા માઈભક્તોની સુખાકારી અને સલામતીને ધ્યાનમાં રાખી સામખિયાળી ખાતે સેવા કેમ્પનું આયોજન કર્યું.

પોલીસ મહાનિરીક્ષક શ્રી ચિરાગ કોરડિયા અને પૂર્વ કચ્છ પોલીસ અધિક્ષક શ્રી સાગર બાગમારની સૂચના અને માર્ગદર્શન હેઠળ શરૂ કરાયેલા આ કેમ્પમાં પદયાત્રીઓ માટે રહેવા, નાહવા-ધોવા, ભોજન, નાસ્તા અને મેડિકલ સુવિધાઓ ઉપલબ્ધ કરાવવામાં આવી છે.

આ સેવા કેમ્પનો આજે પૂર્વ કચ્છ પોલીસ અધિક્ષક શ્રી સાગર બાગમારએ શુભારંભ કર્યો. પ્રસંગે ભચાઉ વિભાગના નાયબ પોલીસ અધિક્ષક શ્રી સાગર સાંબડા, સામખિયાળી પોલીસ સ્ટેશનના પોલીસ ઇન્સ્પેક્ટર શ્રી જે.એમ. ઝાલા સહિત પોલીસ અધિકારીઓ અને કર્મચારીઓ ઉપસ્થિત રહ્યા.

માઈભક્તોની સેવા અને સુરક્ષા માટે પૂર્વ કચ્છ પોલીસની આ પહેલ પદયાત્રીઓ માટે મોટી રાહતરૂપ બની છે.