અમરેલી એલ.સી.બી.એ કુંકાવાવ નજીક વિદેશી દારૂ ભરેલી સ્વિફ્ટ કાર ઝડપી, એક આરોપીની ધરપકડ

અમરેલી: અમરેલી એલ.સી.બી. ટીમ દ્વારા પેટ્રોલીંગ દરમિયાન મોટી કાર્યવાહી કરવામાં આવી છે. કુંકાવાવ નજીકથી વિદેશી દારૂ ભરેલી સ્વિફ્ટ કાર ઝડપી પાડવામાં આવી છે.

પ્રાપ્ત વિગત મુજબ, એલ.સી.બી.ની ટીમ પેટ્રોલીંગમાં હતી તે દરમિયાન બાતમીના આધારે સ્વિફ્ટ કારને રોકી તલાશી લેતા તેમાંથી 349 બોટલ વિદેશી દારૂ મળી આવ્યો હતો.

આ કેસમાં કારનો ચાલક ફરાર થઈ ગયો છે, જ્યારે સાથે રહેલા એક આરોપી સાગર અરજનભાઈ સનેચા ની ધરપકડ કરવામાં આવી છે. પોલીસે ફરાર આરોપીને પકડવા આગળની તપાસ શરૂ કરી છે.

પોલીસે સ્થળ પરથી 349 બોટલ દારૂ અને સ્વિફ્ટ કાર મળી કુલ રૂ. 4.83 લાખનો મુદ્દામાલ કબ્જે કર્યો છે.