નવરાત્રી પહેલાં સુરતના કીમમાં પોલીસે શરૂ કર્યા સઘન વાહન ચેકિંગ

નવરાત્રીના તહેવારને હવે ગણતરીના દિવસો બાકી છે. આ પૃષ્ઠભૂમિમાં સુરત જિલ્લાની કીમ પોલીસે કાયદો અને વ્યવસ્થા જાળવવા તેમજ સુરક્ષા માટે સઘન વાહન ચેકિંગ હાથ ધર્યું છે. કીમ પોલીસ સ્ટેશનના અધિકારીઓ અને જવાનો મુખ્ય માર્ગો પર વાહનોની તપાસ કરી રહ્યા છે.

ચેકિંગ દરમિયાન પોલીસ કારની ડિક્કીઓ ખોલીને ઊંડાણપૂર્વક તપાસ કરી રહી છે. આ ઉપરાંત મોટરસાઇકલ અને અન્ય વાહનચાલકોના લાયસન્સ અને જરૂરી દસ્તાવેજો પણ ચકાસવામાં આવી રહ્યા છે.