અંજાર પોલીસ દ્વારા રાપર (ખોખરા) વિસ્તારમાં દેશી દારૂની ભઠ્ઠી ઝડપાઈ, ૩ ઈસમો પકડાયા

અંજાર પોલીસ સ્ટેશન દ્વારા રાપર (ખોખરા) વિસ્તારમાં દેશી દારૂ બનાવવાની ગેરકાયદેસર પ્રવૃત્તિ સામે કાર્યવાહી કરવામાં આવી.

પોલીસને મળેલી ચોક્કસ બાતમીના આધારે રાપર ગામ નજીક પીરવાળા ડેમની પાળ પાસે બાવળની ઝાડીઓમાં દરોડો પાડવામાં આવ્યો.

દરોડા દરમિયાન દેશી દારૂ બનાવવાની ભઠ્ઠી તથા દારૂ બનાવવા માટેનો આથો મળી આવતા મોહનસિંહ ગેમુભા ચાવડા, સાજણભાઈ કારાભાઈ મકવાણા અને વિજય બાબુભાઈ વડેચાને ઝડપી પાડવામાં આવ્યા.

પોલીસે સ્થળ પરથી દેશી દારૂ બનાવવાનો ગરમ આથો, ઠંડો આથો, દેશી દારૂથી ભરેલા ડેરબા સહિતનો કુલ ૧,૦૨,૨૦૦નો મુદ્દામાલ જપ્ત કર્યો અને અંજાર પોલીસ સ્ટેશનમાં પ્રોહિબિશન કલમો હેઠળ ગુનો નોંધાવી ત્રણેય આરોપીઓ સામે કાયદેસરની કાર્યવાહી હાથ ધરવામાં આવી.