ବ୍ରହ୍ମପୁରରେ ପାର୍ବଣ ପୂର୍ବରୁ ହତ୍ୟାକାଣ୍ଡ; ସାମାନ୍ୟ ବଚସାରୁ ଗଲା ଜୀବନ

ପାର୍ବଣ ପୂର୍ବରୁ ବ୍ରହ୍ମପୁର ଉପକଣ୍ଠ ନିମଖଣ୍ଡି ଅଞ୍ଚଳରେ ଘଟିଛି ହତ୍ୟାକାଣ୍ଡ। ଗତକାଲି ରାତି ପ୍ରାୟ ସାଢ଼େ ୧ଟାରେ ଘଟିଛି ଏହି ହତ୍ୟାକାଣ୍ଡ। ଦୁର୍ଦ୍ଦାନ୍ତ ଟୁନା ନାୟକଙ୍କୁ ତଣ୍ଟି କାଟି ନିର୍ମମ ଭାବେ ହତ୍ୟା କରିଛି ସାଙ୍ଗ ବିଟୁ ସାହୁ । ଏହି ଘଟଣାକୁ ନେଇ ନିମଖଣ୍ଡି ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।

ଟୁନା ନାୟକ ଗତକାଲି ତାଙ୍କ ବନ୍ଧୁ ବିଟୁ ସହ ବସି ମଦ ପିଇଥିଲେ । ସେଠାରେ କୌଣସି କାରଣକୁ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଝଗଡ଼ା ବେଳେ ଟୁନା ଉତକ୍ଷିପ୍ତ ହୋଇ ବିଟୁଙ୍କୁ ପିଟିଥିଲା। ଏତିକିରେ ରାଗିଯାଇ ବିଟୁ ନିଜ ବାଇକରେ ରଖିଥିବା ଛୁରୀରେ ଟୁନାଙ୍କ ବେକକୁ କାଟି ଦେଇଥିଲା।
ନିମଖଣ୍ଡି ଥାନା ପୁଲିସ ଘଟଣାର ତଦନ୍ତ ଆରମ୍ଭ କରିଛି । ହତ୍ୟାକାଣ୍ଡ ସହ ସମ୍ପୃକ୍ତି ଅଭିଯୋଗରେ ପୁଲିସ ବିଟୁ ସାହୁଙ୍କୁ ଗିରଫ କରିଥିବାର ସୂଚନା ମିଳିଛି ।