ଭାଲୁ ଆକ୍ରମଣରେ ମହିଳା ଗୁରୁତର

ଜଙ୍ଗଲରେ ଛତୁ ତୋଳିବା ବେଳେ ମହିଳାଙ୍କୁ ଭାଲୁ ଆକ୍ରମଣ । ଗୁରୁତର ଭାବରେ ମହିଳାଙ୍କୁ ଉଦ୍ଧାର କରି ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି । ଘଟଣା ଘଟିଛି କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ଦୁବୁଲାହୁଡ଼ି ଗାଁ ଜଙ୍ଗଲରେ ।ଗାଁର ଗୋପିନାଥ କୁଲଡିଙ୍କ ପତ୍ନୀ ସୋମବାରୀ ଆଜି ସକାଳୁ ନିକଟସ୍ଥ ଜଗଂଲକୁ ଛତୁ ତୋଳିବାକୁ ଯାଇଥିଲେ । ଫେରିବା ସମୟରେ ଗାଁ ଠାରୁ କିଛି ଦୂରରେ ଏକ ବିରାଟକାୟ ଭାଲୁ ଅନ୍ୟ ଜଣେ ଲୋକଙ୍କୁ ଗୋଡାଉଥିଲା । ସେହି ଲୋକଟି ଜୀବନ ବଞ୍ଚାଇ ସେଠାରୁ ଦୌଡ଼ି ପଳାଇଥିଲା । କିନ୍ତୁ ସେଠାରେ ରହିଯାଇଥିଲେ ସୋମବାରୀ । ଏହା ପରେ ଭାଲୁଟି ତାଙ୍କ ଉପରକୁ ଝାମ୍ପ ମାରି ତାଙ୍କର ମୁହଁ ଓ ପେଟକୁ ତିରି ପକାଇଥିଲା ।
ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଆନନ୍ଦପୁର ଓ ପରେ କଟକ ଡାକ୍ତରଖାନା ପଠାଯାଇଛି ।